‏ آخر كلام ..للشاعر امين الديب

ﺑﻌﺪ ﻣﺎﺑﻘﻠﻊ ﻫﺪﻭﻣﻰ
ﻗﺒﻞ ﻧﻮﻣﻰ
ﻻﺯﻡ ﺃﻗﺮﺍ ﻛﺎﻡ ﻣﻘﺎﻟﻪ
ﻧﺮﻓﺰﻭﻧﻰ..ﺳﺨﻨﻮﻧﻰ
ﺣﻔﺰﻭﻧﻰ..ﺇﻧﻰ ﺃﻛﺘﺐ
ﻋﻦ ﻭﻻﺩ ﺍﻟﻜﻠﺐ
ﻭﺍﻟﺴﻔﺎﺡ ﺷﺎﺭﻭﻥ
ﻗﻮﻝ ﺳﻬﺮﺕ
ﻧﻤﺖ..ﺑﻌﺪ ﺍﻟﻔﺠﺮ ﻣﺎ ﺇﺩﻥ
ﻭﺍﻟﻌﻴﺎﻝ ﺑﻴﻘﻮﻣﻮﻧﻰ
ﺻﺤﺼﺤﻮﻧﻰ
ﻗﻤﺖ ﻣﻔﺰﻭﻉ ﻣﻦ ﻣﻨﺎﻣﻰ
ﻫﺠﺖ ﻓﻴﻬﻢ
ﺟﺖ ﻣﺮﺍﺗﻰ ﻗﺎﻟﺖ ﻟﻰ..ﻣﺎﻟﻚ
ﺇﻳﻪ ﺟﺮﺍﻟﻚ؟
ﻟﻴﻪ ﺑﺘﺸﺨﻂ ﻓﻰ ﺍﻟﻌﻴﺎﻝ
ﻗﻠﺖ ﺑﺎﺣﻠﻢ
ﻛﻨﺖ ﺑﺎﺣﻠﻢ ﺇﻧﻰ ﻣﻴﺖ ﻭﺍﻧﻔﺰﻋﺖ
ﺍﻧﺒﺴﻄﻰ..؟
ﻛﺸﺮﺕ ﻭﺑﺴﺮﻋﺔ ﻗﺎﻟﺖ:
ﺇﻳﻪ ﺩﺍ ﺃﺻﻠﻪ.ﻃﺐ ﻭﻣﺎﻟﻪ
ﻳﺴﺘﺤﻖ ﺍﻟﻤﻮﺕ ﻭﺃﻛﺜﺮ
ﺍﻟﻠﻰ ﻳﻬﺮﺏ ﻣﻦ ﻋﻴﺎﻟﻪ
ﻛﻨﺖ ﻓﻴﻦ ﻡ ﺍﻟﻤﻐﺮﺑﻴﺔ؟
ﺗﻴﺠﻰ ﺑﻌﺪ ﺍﻟﻔﺠﺮ ﻣﺎﺩﻥ؟
ﺇﻧﺖ ﻓﺎﻛﺮ ﺇﻥ ﺩﺍ ﺡ ﻳﺨﻴﻞ ﻋﻠﻰ
ﺷﻌﺮﺇﻳﻪ؟
ﻭﺍﻟﻼ ﺇﻳﻪ ﺑﺘﻬﺒﺒﻪ..ﻭﺗﻘﻮﻝ ﻗﻀﻴﻪ
ﻫﻰ ﻓﻴﻦ ﻫﻰ ﺍﻟﻘﻀﻴﻪ؟
ﻫﻢ ﻳﻌﻨﻰ ﻛﻠﻤﺘﻴﻨﻚ..ﺍﻟﻠﻰ ﺣﻰ ﻳﺤﻠﻮﺍ
ﺍﻟﻘﻀﻴﺔ؟
ﻫﻴﻪ ﻧﺎﻗﺼﺔ
ﻭﺇﺣﻨﺎ ﻣﺎﻟﻨﺎ
ﻣﺎ ﺍﻧﺖ ﺷﺎﻳﻒ.ﻛﻠﻪ ﺧﺎﻳﻒ
ﻭﺍﻟﻤﺪﺍﻓﻊ ﻫﻤﺴﻪ ﺣﺎﻳﺮﻩ..ﻋﺎﻟﺸﻔﺎﻳﻒ
ﻭﺍﻧﺖ ﻋﺎﺭﻑ
ﺍﻟﺼﻬﺎﻳﻨﺔ ﻧﺎﺱ ﻗﻮﻳﻪ..ﻭﻣﻔﺘﺮﻳﻪ
ﻭﺍﻟﻠﻰ ﺃﺩﻫﻰ ﻣﻦ ﺩﺍﻛﻠﻪ
ﻟﻤﺎ ﻳﺒﻘﻰ ﺍﻟﻜﻞ ﻧﺎﻳﻢ..ﻭﺍﻧﺖ ﻗﺎﻝ ﺗﻜﺘﺐ
ﻗﺼﻴﺪﻩ!!
ﻋﻦ ﻭﻻﺩ ﺍﻟﻜﻠﺐ ﻭﺍﻟﺴﻔﺎﺡ ﺷﺎﺭﻭﻥ
ﺃﺑﻘﻰ ﻧﺎﻳﻤﻪ!!
ﺃﺳﻤﻌﻚ ﺑﺘﻘﻮﻝ ﺷﺎﺭﻭﻥ؟
ﻣﻦ ﻏﻴﺮ ﺳﻼﻡ ﻭﻻ ﻳﺤﺰﻧﻮﻥ!
ﺍﻧﺖ ﻓﺎﻫﻢ ﺇﻧﻪ ﺡ ﻳﻬﻤﻪ ﺍﻟﻜﻼﻡ؟
ﻭﺍﻟﻼ ﺩﻭﻝ ﻋﺎﻳﺰﻳﻦ ﺳﻼﻡ؟
ﻭﺍﻟﻼ ﺡ ﻳﺨﺎﻑ ﻣﻦ ﻛﻼﻡ؟
ﻫﻮ ﻫﻤﻪ ﻣﻦ ﻛﻠﻴﻨﺘﻮﻥ.ﻭﺍﻟﻼﺑﻮﺵ
ﻭﺍﻟﻼﻫﻤﻪ ﻣﻦ ﺑﺎﺭﺍﻙ..ﻭﺍﻟﻼﻫﻤﻪ ﻣﻦ!...
ﻭﺍﻟﻼ ﻋﺎﻳﺰ ﺗﺒﻘﻰ ﺷﺎﻋﺮ؟
ﻭﺍﻟﻼ ﻣﻦ ﺃﺑﻨﻮﺩ ﺟﻨﺎﺑﻚ؟
ﻭﺍﻟﻼ ﻋﺎﻳﺰ ﺗﻘﺪﻳﺮﻳﻪ؟
ﻗﻠﺖ ﻃﺒﻌﺎ
ﺃﻯ ﺷﺎﻋﺮ ﻳﺴﺘﺤﻖ ﺍﻟﺘﻘﺪﻳﺮﻳﻪ
ﻳﺴﺘﺎﻫﻠﻬﺎ ﻋﻦ ﺟﺪﺍﺭﻩ
ﻣﺶ ﺧﺴﺎﺭﻩ
ﻟﻴﻪ ﻳﺎ ﺧﻮﻳﺎ
ﻫﻮ ﻃﻠﻊ ﺇﺳﺮﺍﺋﻴﻞ؟
ﻭﺍﻟﻼ ﻋﻤﺮ ﻓﻰ ﺍﻟﺼﺤﺎﺭﺍ
ﺣﺎﺟﻪ ﺗﺎﻧﻴﻪ!!
ﻭﺍﻟﻘﻄﺎﻉ ﺍﻟﻌﺎﻡ ﺑﻴﺨﺴﺮ
ﻛﺎﻥ ﻣﻨﻊ ﻋﻨﻪ ﺍﻟﺨﺴﺎﺭﻩ؟
ﻭﺍﻟﻼﺳﻜﺎﻥ ﺍﻟﻤﻘﺎﺑﺮ
ﻛﺎﻥ ﺑﻨﺎﻟﻬﻢ ﻛﺎﻡ ﻋﻤﺎﺭﻩ؟
ﻭﺍﻟﻼﺷﻐﻞ ﺃﻟﻒ ﻋﺎﻣﻞ
ﺃﻭ ﻣﻨﻌﻬﻢ ﻣﻦ ﺍﻟﺪﻭﺍﺭﻩ؟
ﻭﺍﻟﻼ ﻭﺯﻉ ﻋﺎﻟﻐﻼﺑﺔ
ﺃﻟﻒ ﻃﻦ ﻣﻦ ﺍﻟﺪﻗﻴﻖ
ﻭﺍﻟﻼﺣﺘﻰ ﻛﺎﻡ ﺷﻴﻜﺎﺭﻩ؟
ﻓﻮﻕ ﻟﺮﻭﺣﻚ
ﻫﻮ ﺧﺪﻫﺎ ﻋﻦ ﻭﻫﻴﺒﻪ
ﻭﺍﻷﻏﺎﻧﻰ ﻟﻌﺒﺪ ﺣﻠﻴﻢ
ﻣﺶ ﻋﺸﺎﻥ ﺣﻞ ﺍﻟﻘﻀﻴﻪ
ﺍﻟﻘﻀﻴﺔ ﻫﻰ..ﻫﻰ
ﻭﺍﺣﻨﺎ ﻓﻰ ﺍﻟﺨﻴﺒﻪ ﺍﻟﻘﻮﻳﻪ!
ﻗﻠﺖ ﺟﺎﻫﻠﻪ.
ﺇﻧﺘﻰ ﺟﺎﻫﻠﻪ
ﺍﻧﺘﻰ ﻓﺎﻛﺮﻩ ﺍﻟﺸﻌﺮ ﺳﺎﻫﻞ؟
ﺩﺍ ﺍﻟﻠﻰ ﻳﻨﻜﺮ ﻓﻀﻞ ﺷﺎﻋﺮ
ﻳﺒﻘﻰ ﺟﺎﻫﻞ
ﻗﻠﺒﻚ ﺍﺑﻴﺾ
ﻣﺶ ﺣﺘﺮﺟﻊ ﺍﻻ ﻟﻤﺎ ﻳﺤﺒﺴﻮﻙ
ﻋﺎﻟﻜﺒﺮ ﻭﻳﺒﻬﺪﻟﻮﻙ
ﺍﻧﺖ ﺑﺘﻘﻮﻝ ﻳﺎ ﺳﺎﺩﺗﻨﺎ ﻳﺎ ﻗﺎﺩﺗﻨﺎ..
ﺍﺭﻓﻀﻮﺍ ﺗﻬﺪﻳﺪ ﺃﻣﺮﻳﻜﺎ ﻭﺍﻟﺘﺤﻴﺰ ﻟﻠﻴﻬﻮﺩ؟
ﻃﺐ ﻭﻟﻮ ﺯﻋﻠﺖ ﺃﻣﺮﻳﻜﺎ
ﻃﺐ ﻣﻨﻴﻦ ﺣﻴﺄﻛﻠﻮﻧﺎ؟
ﻭﺍﻟﺤﻜﻮﻣﺔ ﻧﻔﺴﻬﺎ ﺑﺘﻤﺪ ﺇﻳﺪﻫﺎ
ﻭﻳﻘﻮﻟﻮﺍ ﻟﻬﻢ ﺷﺤﺘﻮﻧﺎ!!
ﺍﻧﺖ ﻋﺎﻳﺰ ﻳﺤﺒﺴﻮﻧﺎ؟
ﻟﻮﻋﺎﻳﺰﻧﺎ ﻧﻘﺐ ﺍﻛﺘﺐ
ﺣﻂ ﻫﻤﻚ ﻓﻰ ﺍﻷﻏﺎﻧﻰ
ﻓﻄﺮ ﺍﻟﺸﻌﺐ ﺑﺄﻏﺎﻧﻰ
ﻧﻴﻢ ﺍﻟﺸﻌﺐ ﺑﺎﻏﺎﻧﻰ
ﻭﺍﻷﻏﺎﻧﻰ..
ﺑﻴﺒﻌﻮﻫﺎ ﺑﺎﻟﺪﻭﻻﺭ ﺍﻷﻣﺮﻳﻜﺎﻧﻰ
ﻭﺍﻟﻼ ﻳﻌﻨﻰ ﺟﺖ ﻋﻠﻴﻨﺎ
ﻭﺍﺷﺘﻬﻴﻨﺎ ﺍﻟﻔﻘﺮ..ﺗﺎﻧﻰ؟
ﻋﻴﺶ ﻭﻫﻴﺺ
ﺷﺠﻊ ﺍﻷﺑﻄﺎﻝ ﻭﻻﺩﻧﺎ
ﺍﻟﻠﻰ ﺭﻓﻌﻮﺍ ﺭﺍﺱ ﺑﻠﺪﻧﺎ
ﻣﺴﺨﺮﻭﺍ ﺃﻭﻻﺩ ﻧﺎﻣﻴﺒﻴﺎ
ﻭﺍﻟﻼ ﻟﻴﺒﻴﺎ.
ﻋﻴﺶ ﻭﻫﻴﺺ..
ﺍﻧﺖ ﻳﻌﻨﻰ ﻛﻨﺖ ﻏﺎﻧﺪﻯ..؟
ﻭﺍﻟﻼ ﺣﺎﻓﻆ ﻭﺍﻟﻼ ﺷﻮﻗﻰ؟
ﻭﺍﻟﻼ ﺑﻴﺮﻡ ﺃﻭ ﺟﺎﻫﻴﻦ؟
ﻣﺎﻧﺖ ﻃﻮﻝ ﻋﻤﺮﻙ ﺑﺘﻜﺘﺐ!
ﺣﺪ ﺳﻤﻌﻚ؟
ﻗﻮﻝ ﻟﻰ ﻣﻴﻦ؟
ﻭﺍﻻ ﻛﺎﻡ ﻭﺍﺣﺪ ﺑﻴﺤﻀﺮ
ﻓﻰ ﺍﻟﻨﺪﺍﻭﻯ ﻑ ﺃﻯ ﺣﺘﻪ
ﺣﺘﻼﻗﻴﻬﻢ..ﺧﻤﺴﻪ ﺳﺘﻪ!
ﺃﻣﺎ ﻟﻮ ﺗﻜﺘﺐ ﺃﻏﺎﻧﻰ
ﺗﺒﻘﻰ ﻧﺠﻢ ﻭﻟﻚ ﺳﻤﺎﻙ
ﻭﺍﻟﻠﻰ ﺟﺎﻯ ﻳﻄﻠﺐ ﻟﻘﺎﻙ
ﻭﺍﻟﻠﻰ ﻳﺘﺼﻮﺭ ﻣﻌﺎﻙ
ﻭﺍﻟﺼﺤﺎﻓﺔ ﻭﺍﻹﺫﺍﻋﻪ
ﻭﺍﻟﺒﺮﺍﻣﺞ..
ﻛﻠﻪ ﺡ ﻳﺴﺠﻞ ﻣﻌﺎﻙ
ﺯﻯ ﺷﻌﺒﺎﻥ ﻋﺒﺪﺍﻟﺮﺣﻴﻢ
ﻭﺍﻟﻼ ﺷﻮﻑ ﺟﻤﻬﻮﺭ ﺣﻜﻴﻢ
ﺗﺒﻘﻰ ﺷﺎﻋﺮ ﺯﻯ ﺻﺎﺣﺒﻚ
ﻛﻞ ﻭﺍﺣﺪ ﻳﺮﺿﻰ ﻋﻨﻚ
ﺍﻟﺤﻜﻮﻣﻪ ﻭﺍﻟﺼﻬﺎﻳﻨﻪ ﻭﺍﻟﺨﻼﻳﺠﻪ
ﻭﺍﻟﺘﻮﺍﻧﺴﻪ
ﻭﺍﻻﺟﺎﻧﺐ ﻭﺍﻟﺬﻭﺍﺕ
ﺑﺎﻟﺨﺼﻮﺹ ﺻﻨﻒ ﺍﻟﺒﻨﺎﺕ
ﻫﻮ ﺩﺍ ﺁﺧﺮ ﻛﻼﻣﻰ
ﺗﻤﺸﻰ ﺑﻴﻪ..ﺃﻭ ﺗﻔﺎﺭﻕ ﻣﻦ ﺳﻜﺎﺕ
ﻣﻴﺖ ﻳﻤﻴﻦ ﻣﺎﺗﻘﻮﻝ ﻗﺼﻴﺪﻩ
ﻻﻣﻼ ﻛﻞ ﺍﻟﺪﺍﺭ ﺻﻮﺍﺕ
ﻭﺍﻟﻠﻰ ﻳﺴﺄﻝ ﺗﺎﻧﻰ ﻋﻨﻚ
ﺭﺍﺡ ﺍﻗﻮﻝ ﻟﻪ ﻏﺎﺭ ﻭﻣﺎﺕ
ﺃ£ﺃ¤ﺃ£ﺃ¦ﺃ‡–